އެތުލެޓިކްސް ޗެމްޕިއަންޝިޕްގައި އަޙްމަދިއްޔާގެ 19 އަހަރުން ދަށުގެ އަންހެން ޓީމް ޗެމްޕިއަންކަން ހޯދައިފި

މިއަހަރުގެ އެތުލެޓިކްސް ޗެމްޕިއަންޝިޕްގައި އަޙްމަދިއްޔާ އިންޓަނޭޝަނަލް ސްކޫލްގެ  19 އަހަރުން ދަށުގެ އަންހެން ޓީމް ޗެމްޕިއަންކަން ހޯދައިފިއެވެ. އަޙްމަދިއްޔާއިން މި މުބާރާތުގައި ބައިވެރިވެފައިވަނީ 4 އުމުރުފުރައިގައެވެ. އެއީ 13 އަހަރުން ދަށާއި 15 އަހަރުންދަށާއި 17 އަހަރުންދަށާއި އަދި 19 އަހަރުންދަށުގެ އުމުރުފުރައިގައެވެ.

48 ސްކޫލަކުން ބައިވެރިވި މި މުބާރާތުގައި އަޙްމަދިއްޔާވަނީ ކުލަގަދަ ކާމިޔާބީތަކެއް ހޯދާފައެވެ.  މިމުބާރާތުގައި 13 އަހަރުންދަށުގެ ފިރިހެން ޓީމް މުޅި މުބާރާތުން 3 ވަނަ ހޯދިއެވެ. 1800 އަށްވުރެ ގިނަ ދަރިވަރުން ބައިވެރިވި އެތްލެޓިކްސް މުބާރާތުގައި އެކިއެކި އިވެންޓްތަކުންވެސް އަޙްމަދިއްޔާ ވަނީ ވަރަށް ފުރިހަމަ ވަނަތަކެއް ހާޞިލް ކޮށްފައެވެ.

19 އަހަރުން ދަށުގެ އަންހެން  އުމުރު ފުރާގައި ބައިވެރިވެ 400 މީޓަރ ދުވުމުން 3 ވަނަ ރާޔަތު އަބްދުالله ހޯދިއިރު 19 އަހަރުން ދަށުގެ ފިރިހެން 400 މީޓަރ ދުވުމުން 1 ވަނަ މުހައްމަދު އައިހަމް ވަނީ ހޯދާފައެވެ. 19 އަހަރުން ދަށުގެ އަންހެން  400 މީޓަރ ރިލޭ އިން 1 ވަނަ ހާޞިލް ކޮށްފައިވަނީވެސް އަހުމަދިއްޔާ އެވެ. 19 އަހަރުން ދަށުގެ ފިރިހެން 400 މީޓަރ ރިލޭ އިން 3 ވަނަ ހޯދީވެސް އަހުމަދިއްޔާ އެވެ.

19 އަހަރުން ދަށް އަންހެން 800 މީޓަރ 1 ވަނަ ފަސުހާ އަހުމަދަށް ލިބުނުއިރު  17 އަހަރުން ދަށް އަންހެން 800 މީޓަރ 2 ވަނަ ހަދީޖާ ހަޔާ ވަނީ ހޯދާފައެވެ. 19 އަހަރުން ދަށް އަންހެން 200 މީޓަރ އާއި 100 މީޓަރ އިންވެސް  3 ވަނަ ހޯދީ މަރިޔަމް ޝައިމާ އެވެ. 19 އަހަރުން ދަށް ފިރިހެން 5000 މީޓަރ އިން 2 ވަނަ އައިމަން ޚާލިދެވެ.

19 އަހަރުން ދަށް ފިރިހެން 5000 މީޓަރ 3 ވަނަ މަދުސަންކަރ ވަނީ ހޯދާފައެވެ  19 އަހަރުން ދަށް އަންހެން ޑިސްކް ތުރޯ އިން 1 ވަނަ އައިޝަތު ޝިފާ ލިބިފައިވާއިރު 19 އަހަރުން ދަށް އަންހެން ޑިސްކް ތުރޯ އިން 2 ވަނަ އައިޝަތު ދުމްނާވަނީ ހޯދާފައެވެ.  19 އަހަރުން ދަށް ފިރިހެން 400 މީޓަރ ރިލޭއިން 2 ވަނައާއި  19 އަހަރުން ދަށް އަންހެން 400 މީޓަރ ރިލޭއިން 1 ވަނަ އަހުމަދިއްޔާވަނީ ހޯދާފައެވެ.

19 އަހަރުން ދަށް ހައިޖަމްޕް 1 ވަނަ ލީވާންއަށް ލިބުނުއިރު، 19 އަހަރުން ދަށް ހައިޖަމްޕް 3 ވަނަ މަރިޔަމް ސައިމާ ވަނީ ހޯދާފައެވެ، އަދި 19 އަހަރުން ދަށް ހައިޖަމްޕް 2 ވަނަ ލިބުނީ އިހުސާން އަށެވެ. 19 އަހަރުންދަށް 1500 މީޓަރ 1 ވަނަ ފަސުހާ އަހުމަދު ހޯދިއިރު 19 އަހަރުން ދަސް ޖުވެލިން 3 ވަނަ އައިޝަތު ދުމްނާ އަށްވަނީ ލިބިފައެވެ. 17 އަހަރުންދަށް 1500 މީޓަރ 3 ވަނަ ހަދީޖާ ހަޔާ ހޯދިއިރު 19 އަހަރުން ދަށް ޖެވެލިން 1 ވަނަ މާހިލް ވަނީ ހޯދާފައެވެ.  19 އަހަރުން ދަށް ލޯންގް ޖަމްޕް 3 ވަނަ އިޖުލާލް އަށް ލިބުނުއިރު 19 އަހަރުން ދަށް 5000 މީޓަރ 1 ވަނަ ފަސުހާ އަހުމަދު ވަނީ ހޯދާފައެވެ.