އަޙްމަދިއްޔާ އިންޓަނޭޝަނަލް ސްކޫލްގެ 12 ގެ ބައޮލޮޖީ ކިޔަވާ ދަރިވަރުން އެކުދިންގެ އެކޮލޮޖީ ފިލާވަޅާގުޅޭ ބައެއް މަސައްކަތްތައް ކުރުމަށް ކ. ހުރާއަށް އިއްޔެ ދަތުރެއް ކޮށްފިއެވެ. މި ދަތުރުގައި ބައިވެރިވީ ގްރޭޑް 12 ގެ 87 ދަރިވަރުންނާއި 20 ޓީޗަރުންނެވެ. އަދި ބެލެނިވެރިންވެސް މިދަތުރުގައި ބައިވެރިވިއެވެ.
މި ދަތުރުގައި އެކުދިން ޒިޔާރަތްކުރީ ހުރާ ކުޅިއަށާއި ފުޓްބޯޅަ ދަނޑަށެވެ. އެތަނުގައި ބައޮލޮޖީ ފިލާވަޅާގުޅޭ ދިރޭތަކެތީގެ ހުރި މިންވަރުގެ ދެނެގަތުމުގެ މަސައްކަތްތަކެއް ދަރިވަރުން ކުރިއެވެ.
މިދަތުރުގައި ހުރާ ސްކޫލަށް އެހީތެރިވެ ދިނުމުގެ ގޮތުން އެ ސްކޫލްގެެ ގްރޭޑް 9 އަދި 10 ގެ ދަރިވަރުންނަށް އަޙްމަދިއްޔާ އިންޓަނޭޝަނަލް ސްކޫލްގެ މުދައްރިސުން ބައޮލޮޖީ އާއި ހިސާބުގެ ގަޑިތަކެއް ނަންގަވައިދެއްވިއެވެ.
advertisment
