އަޙްމަދިއްޔާ އިންޓަރނޭޝަނަލް ސްކޫލްގެ ޕްރީ ޕްރައިމާރީ އިންޓަރކްލާސް މަދަޙަ މުބާރާތުގެ ނަތީޖާ ފާޅުކޮށްފިއެވެ. މި މަހުގެ 11ވަނަ ދުވަހު ބޭއްވުނު އިނާމު ދިނުމުގެ ޙަފުލާ އޮތީ ސްކޫލްގެ ހޯލުގައެވެ. މި މުބާރާތުގައި ވާދަކުރި ދަރިވަރުންގެ ތެރެއިން ވަނަތައް ހޮވާފައިވަނީ ކޮންމެ ކުލާހަކުން އެންމެ މޮޅު ފަސްވަނައާއި މުޅި މުބާރާތުން އެންމެ މޮޅު 10 ވަނައެވެ.
މުބާރާތުގައި ވާދަކުރި ދަރިވަރުންގެ ތެރެއިން ވަނަވަނައަށް ދިޔަ ދަރިވަރުންނަށް އިނާމުތައް ބައްސަވާދެއްވީ ސްކޫލްގެ ޕްރިންސިޕަލް އަލްފާޟިލް މުޙައްމަދު ރަޝީދެވެ. މީގެ އިތުރުން ސްކޫލްގެ އިސްފަރާތްތަކުން މި ހަފުލާގައި ބައިވެރިވެލެއްވިއެވެ. މި މުބާރާތުގައި ބައިވެރި ކޮންމެ ދަރިވަރަކަށްވެސް ކިޔެނީ މަދަޙައިގެ ކަޑިއަކާއި މައިގަނޑެކެވެ. އަދި ކޮންމެ ދަރިވަރަކުވެސް އެ ދަރިވަރަކު ބޭނުން މަދަޙައެއް އިޚްތިޔާރު ކުރުމުގެ ފުރުޞަތު އޮތެވެ.
މި މުބާރާތަކީ ކޮންމެ އަހަރަކުވެސް ސްކޫލުގައި ބާއްވަމުން އަންނަ މުބާރާތެކެވެ. ގިނަފަހަރަށް މި މުބާރާތް ބޭއްވެނީ ރަމަޟާން މަހާ ދިމާކޮށެވެ. މިފަހަރު މުބާރާތުގައި ޕްރީ ޕްރައިމަރީގެ ގިނަ ދަރިވަރުންތަކެއް މި ބައިވެރިވިއެވެ. މިފަދަ މުބާރާތްތައް ބޭއްވުމުގެ މަޤުޞަދަކީ ދަރިވަރުންގެ ހުނަރުތައް ކުރިއެރުވުމުގެ އިތުރުން ދަރިވަރުންނަށް އެކިއެކި ފުރުޞަތުތައް ހޯދައި ދިނުމެވެ. އެހެންކަމުން މި މުބާރާތް ވެސް ވެގެންދިޔައީ ވަރަށް ކާމިޔާބުކަމާއެކު ނިންމާލެވުނު މުބާރާތަކަށެވެ.
advertisment
