ވެޖިޓަބަލް ސްޓަރފްރައި (މޯލްޑިވިއަން ސްޓައިލް)

ބޭނުންވާ ތަކެތި

1 ޖޯޑު ފިޔާ

7 ލޮނުމެދު ހިމުންކޮށް ކޮށާފައި

10 ހިކަނދިފަތް

5 ރާނބާފަތް ކޮޅު

1 ޖޯޑު ކެބެޖް ކޮށާފައި

1 ޖޯޑު ބީންސް ކޮށާފައި

2/3 ކެރެޓް

1 ޖޯޑު ވަޅޯމަސް ކޮށާފައި (ހިކިމަސް)

1 ޖޯޑު ބެލްޕެޕާރ ކިއުބް ކޮށް ކޮށާފައި (2/3 ޖޯޑު)

1 ޖޯޑު ބްރޮކޮލީ (ކޮށާފައި)

5 ބިސް

ރަހަލާ ވަރަށް ލޮނު

ކަނޑޫދޫ ގިތެޔޮ މިރުސް ބޮޑެތި ކޮށް ކޮށާފައި (ރަހަލާ ވަރަށް)

ކުޑަ ތެޔޮފޮދެއް

ތައްޔާރު ކުރާނެ ގޮތް

1. ތެޔޮފޮދު ތެރޭގައި ފިޔާ، ލޮނުމެދު، ހިކަނދިފަތް އަދި ރާނބާފަތްކޮޅު މީރުކޮށްލާށެވެ.
2. މީރު ކުރި ފިޔާކޮޅު ތެރެއަށް ގިތެޔޮ މިރުސް ކޮޅު އަދި ވަޅޯމަސް ކޮޅު އަޅައި ހަނާކޮށްލާށެވެ.
3. ހަނާކުރި ވަޅޯމަސް ކޮޅު ތެރެއަށް ތަރުކާރީ ކޮޅު( ބެލްޕެޕާރ ފިޔަވައި) އަޅާލުމަށްފަހު ރަހަލާވަރަށް ލޮނު ކޮޅެއް ލުމަށްފަހު ރަނގަޅަށް އެއްކޮށްލާށެވެ.
4. އުނދުނުގެ ގިނި މަޑުކޮށްލުމަށްފަހު ތެލީގެ މަތި ޖަހާލާށެވެ. އަދި 5 މިނިޓުން ތަރުކާރީ ކޮޅު ހަލުވާލަން ވާނެއެވެ.
5. 15 މިނިޓް ވަންދެން ތަރުކާރީ ކޮޅު ހަނާކުރުމަށްފަހު ބެލްޕެޕާރ ކޮޅު އަޅާލާށެވެ.
6. 5 މިނިޓުން ތަރުކާރީ ކޮޅު ހަލުވާލާށެވެ.
7. 10 މިނިޓް ވުމުން ބިސްކޮޅު އަޅާލާށެެވެ. އަދި ތަރުކާރީ ކޮޅު މަޑުވަންދެން ހަނާކޮށްލާށެވެ.

މިއީ ރޮއްޓާއެކު ކާލަން ވަރަށް މީރު ކެއުމެކެވެ.