ރަހަފަތް: ފަޖް

މިއީ އާންމުކޮށް ރަމަޟާން މަހު ދިވެހިންގެ ސުފުރާމަތިން ފެންނަ އަނގަޔަށް މީރު، ހަދާލަން ފަސޭހަފޮނި އެއްޗެކެވެ.

ބޭނުންވާ ތަކެތި:

• 1 ޕެކެޓު މާރީ ބިސްކޯދު
• 1 ދަޅު ގެރި ކިރު
• 1 ސައިސަމުސާ ވެނީލާ އެސެންސް
• ¼ ޖޯޑު ބަޓަރ
• ½ ޖޯޑު ކޮކޯ ޕައުޑަރ
• ކޮށާފައި ހުރި ކެޝޫ ނަޓްކޮޅެއް (މުށެއް)

ހަދާނެ ގޮތް:

• އެންމެ ފުރަތަމަ މާރީ ބިސްކޯދުތައް ފުނޑު ފުނޑުކޮށްލާށެވެ.
• ދެން. ކުޑަ ތެއްޔެއްގައި މަޑު ގިނީގައި ބަޓަރ ދިޔާކޮށްލަން އުދާށެވެ.
• ބަޓަރ ދިޔާވުމުން އޭގެ ތެރެއަށް ގެރިކިރު ދަޅު އަދި ވެނީލާ އެސެންސް އަޅާފައި ހާކަމުން ގެންދާށެވެ.
• އެއަށްފަހު އޭގެ ތެރެއަށް ކޮކޯ ޕައުޑަރ ކޮޅު އަޅާލާފައި އެއްކުރަމުން ގެންދާށެވެ.
• މި މިކްސް 2-3 މިނެޓު ކައްކާލާފައި އުނދުން ނިއްވާލާށެވެ.
• ފުނޑުކޮށްފައި ހުރި މާރީ ބިސްކޯދުތައް ރީތިކޮށް ޓްރޭގައި އަތުރާލުމަށްފަހު އޭގެ މައްޗަށް ތައްޔާރުކުރި މިކްސް އަޅާލާށެވެ.
• ދެން އޭގެ މައްޗަށް ކެޝޫ ނަޓްކޮޅު އަޅާލާށެވެ.
• އަދި ފަޖް ހިހޫ ވީމަ ފްރިޖަށްލާފައި ކެއުމުގެ ކުރިން ފިނި ކޮށްލާށެވެ.