ޗޮކްލެޓް ޓާޓް

ބޭނުންވާ ތަކެތި:

ޓާޓްގެ ބޭސް ހެދުމަށް:

2 ޕެކެޓް ހަޕް ސެންގް ބަޓަރ ފްލޭވާރޑް ކުކީސް (85ގްރާމް ކޮންމެ ޕެކެޓެއްގަ)

ޗޮކްލެޓުގަނޑަށް

2 ސައި ސަމުސާ ބަޓަރު

200 ގްރާމް ކުކިންގް ޗޮކުލެޓް

1 ޖޯޑު ވިޕިންގް ކްރީމް

ޓާޓް މައްޗަށް އެޅުމަށް:

1/3 ޖޯޑު ކެޝޫނަޓްސް

3 ސްޓޯބެރީ

ހަދާނެ ގޮތް:

1. ހަޕް ސެންގް ބަޓަރ ފްލޭވާރޑް ކުކީސް މިކްސަރަށް އަޅާ ފުނޑާލާށެވެ. ދެޕެކެޓް ވަކިން ފުޑީމަ އިތުރަށް ކުދިކޮށް ފުޑޭނެއެވެ. ފުޑާ ނިމޭއިރު އެ ހުންނާނީ ޕޭސްޓަކަށް ވެފައެވެ.
2. 8 އިންޗީގެ ޓާޓް ޓްރޭ އެއްގައި އެއްކޮށް ވަށާ ބަޓަރު ހާކާލާށެވެ.
3. ކުރިން ހެދި ބިސްކޯދު ޕޭސްޓް ޓްރޭގައި ވަށާ އަޅާފަ، މަޑުމަޑުން ޓްރޭގަ ހަރުވާވަރަށް ފިއްތާށެވެ. ބިސްކޯދު ބޭސް ހުންނަން ޖެހޭނީ އެއްވަރުކޮށް ޓްރޭގައި އެތުރިފައެވެ. އޭތި އޮމާން ކުރުމަށް ފަހު 30 މިނެޓް ވަންދެން އައިސް އަލަމާރިއަށް ލާފައި ބަހައްޓާލާށެވެ.
4. ދެން، 200 ގްރާމް ކުކިންގް ޗޮކުލެޓް ގާތްގަޑަކަށް 1 ސެންޓް މީޓަރަށް ކުދިކޮށް ކޮށާލާފަ ބޮޑު ބޯތަށްޓަކަށް އަޅާލާށެވެ.
5. ތަވަ އެއްގައި، 2 ސައިސަމުސާ ބަޓަރާއި 1 ޖޯޑު ވިޕިންގް ކްރީމް މެދު ގިނީގައި ހޫނު ކުރާށެވެ. ހޫނު ކުރާނީ ބަޓަރު އެއްކޮށް ގިރި ކްރީމް އިން އާވި އަރާ ވަރަށެވެ. ބޮކި އަރާ ވަރަށް މާ ބޮޑަށް ނުކައްކާށެވެ.
6. އުދުނުން ކްރީމްގަނޑު ނެގުމަށްފަހު، ޗޮކްލެޓު ހުރި ބޯތަށްޓަށް އޮއްސާލާށެވެ.
7. ޗޮކުލެޓް ގިރެންދެން މެދުމިނެއްގައި މިކްސް ކުރާށެވެ.
8. ޗޮކްލެޓް އެއްކޮށް އެއްވުމުން ކުރިން ހެދި ބިސްކޯދު ބޭސްއަށް އޭތި އަޅާލާށެވެ. 10 މިނިޓް ވަންދެން ހިހޫ ކުރުމަށްފަހު އައިސްއަލަމާރިއަށްލާ ފިނިކުރަން 2 ގަޑިއިރު ބަހައްޓާށެވެ. ފިނިވުމުން ޗޮކްލެޓް ހަރުވާނެއެވެ. ދެން ޓްރޭއިން އޭތިނަގާށެވެ.
9. ދެން 1/3 ޖޯޑު ކެޝޫނަޓްސް ކުދިކޮށް ކޮށާފައި ޓާޓްގެ މައްޗަށް އަޅާށެވެ.
10. އެންމެ ފަހުން ސްޓޯބެރީ ފޮތިކޮށް ކޮށާފައި ޓާޓްގެ މަތީގައި އަތުރާށެވެ.