ރަހަފަތް: ޗިޕްސްމޯ ޕުޑިންގް

ޗިޕްސްމޯ ޕުޑިން އަކީ ފަހަކަށް އައިސް އަހަރުމެން ދިވެހީންގެ މެދުގައި ވަރަށް މަޤުބޫލް ފޮނި އެއްޗެކެވެ.

ބޭނުންވާ ތަކެތި: 

1 ދަޅު ނެސްލޭ ކްރީމް

1/3ޖޯޑު ކޮކޯ ޕައުޑަރ

1/3ޖޯޑު ގެރިކިރު

1 ސައިސަމުސާ ވެނީލާ އެސެންސް

20 ޗިޕްސްމޯ ބިސްކޯދު (ލޭޔަރ ކުރުމަށް)

3 ޗިޕްސްމޯ ބިސްކޯދު ފުނޑުކޮށްފައި (މައްޗަށް އަޅާލުމަށް)

ހަދާނެ ގޮތް:

1. ބޯތަށްޓަކަށް، ނެސްލޭ ކްރީމް އަދި ކޮކޯ ޕައުޑަރ އަޅާފައި، ވިސްކެއް ބޭނުން ކޮށްގެން އޮމާން ވާވަރަށް އެއްވަންދެން ގިރާލާށެވެ.
2. ދެން ހަމަ އެ ތަށްޓަށް، ގެރިކިރު، އަދި 1 ސައިސަމުސާ ވެނީލާ އެސެންސް އަޅާފައި އެއްކޮށް އޮމާންވަންދެން ގިރާލާށެވެ.
3. އެއްކުރި ތަކެތީގެ 1/3 ކުޑަ ޓްރޭއަކަށް އޮށްސާލުމަށްފަހު ޓްރޭގެ ތިރީބައި އެއްކޮށް ފޮރުވާލާ އޮމާން ކޮށްލާށެވެ.
4. ދެން އޭގެ މަތީގައި  ޗިޕްސްމޯ ބިސްކޯދު އަތުރާލާފައި އަނެއްކާވެސް އެއްކުރި ތަކެތީގެ 1/3 ޖޯޑު ބިސްކޯދުގެ މައްޗަށް އަޅާލައި އޮމާން ކޮށްލާށެވެ. މިގޮތަށް 3 ލޭޔަރ ހަމަވަންދެން ރިޕީޓްކޮށްލާށެވެ. އަދި އެއަށްފަހު ފުންޑު ކުރި ބިސްކޯދު ކޮޅު މައްޗަށް އަޅާލައި ގާނިޝް ކޮށްލާށެވެ.